Poetry By Fahim ul Islam

    ٭  ٭ماں کے نام

تیرے خیالوں میں کٹتی ہےصبح وشام زندگی

 تیری یادوں سے ملتی ہے نئی آغازِ  زندگی

تیری باتوں کی وہ مٹھاس، چہرے کی مسکان 

جیسے جنت سے آیا ہوا ہے کوئ ہمدرد مہمان

ہر روز تیری وہ نصیحتیں، بر آن تیری دعائیں

 مجھے اب تڑپاتی ہے تیری وہ بولی سی ادائیں

تیری آغوش میں گزری وه آخری رات بھی یاد ہے

  جب اپنے ٹھنڈے سینے سے لگا کے مجھے الوداع کہا

اب ہر پل تیری آواز کو سننے کے لئے تڑپ رہا ہوں 

کیا خطا کی تھی ماں کہ تم سے بچھڑ گیا ہوں

ماں تیری عظمت کو سلام، تیری ممتا کو سلام

 تو نے ہر قربانی دی اپنے ویران چمن کے نام

کیوں دنیا خاموش ہے مظلوم ماں کی ممتا کیلئے

 کیا نہیں ہے کوئی مکان آب ہم کشمیریوں کیلئے

© فہیم الاسلام

________________________________________________

                 

    ٭مظلوم کشمیر٭

میرے مظلوم وطن، میرے ویران چمن

 تیری جرأت کو سلام تیری عصمت کو سلام

جس فضا میں تیری خوشبو کی مہک بسی تھی

 اس فضا میں یہ دھماکوں کا دھواں کیوں؟

جن گلیوں میں ننھے پرندوں کی چہچہاہٹ تھی

 ان گلیوں میں ماتم کی ویران محفلیں کیوں؟

جن انگن میں تیری خوبصورتی کے چرچے تھے 

ان آنگن میں تیرے آزاد پرندوں کی لاشیں کیوں ؟

جن ندیوں میں پربت سے پھٹے چشمے بہتے تھے

 ان ندیوں میں وطن کے نگہبانوں کا خون کیوں؟

جو شاہیں صفت بچوں کی پرواز کا مرکز ہے

 وہاں شاہینوں کا مستقبل تاریک میں کیوں؟

جس ہستی سے تیرے چمن کے پھول آباد ہیں

 اس بستی کے پاک دامن پررندوں کا حملہ کیوں؟

جب دنیا ہے آزاد فضا ہے آزاد لوگ آزاد ہے

 پھر ظالموں کا ظلم مظلوم کشمیریوں پہ کیوں ؟

© فہیم الاسلام

________________________________________________

                      ٭عروج سے زوال تک٭     

وہ بھی زمانہ تھا تیری عزت عروج کا

 اور یہ بھی زمانہ ہے تیری ذلت نزول کا

تیری ہر ادا کمال تھی تیری ہر نظر با حیا تھی

 تیرا شب و روز عبادت تھا، تیری عبادت با وقار تھی

تیری انتہا وہ ذات تھی تیرا شوق وہ جہان تھا

 تیرا چلنا اٹھنا قرآن تھا، تیرا منہج وہ دستور تھا

 تو تها خلیفہ خالق کا، تو تھا خلیل احمد کا

 سبب بس یہی تھا تیری حصول اشرفی کا

پھر تجھ پہ غفلتوں کا زمانہ بھی آگیا انسان

 بھلا دیا تو نے وہ فرمان فبأي آلا ربکما تکذبان

 تو تھا رېبر انسانیت کا، تو تھا امتی محمدﷺ کا

  یہ سب بھول کے تو پیرو بن گیا شیطان مردود

انسانیت مقصد وجود سے جب بے خبر ہوئی

 پھر أسفل سفلین سے انسانیت مخاطب ہوئی

تیرا مقصد وجود وہی ہے، تیرا دستور زندگی وہی ہے

 بدلا صرف تیرا ضمیر ہے، شب و روز تو اب بھی وہی ہے

 ©فہیم الاسلام

Name:Faheem ul islam:

Pursuing Bachelor's honours in political science at ALIGARH MUSLIM UNIVERSITY